ایم سی ایڈمنسٹریٹر رانا وقاص کا دبنگ فیصلہ ، بائیو میٹرک حاضری سسٹم شروع

ایڈمنسٹریٹر میٹروپولیٹن کارپوریشن رانا محمدوقاص انور کی ہدایات پر اسلام آباد میں تمام یونین کونسلز میں بائیو میٹرک حاضری سسٹم کی تنصیب کا فیصلہ کرتے ہوے کام کا آغاز کر دیا گیا ہے۔ اس کا مقصد عوامی مسائل کے وسیع تر مفاد میں ملازمین کی کارکردگی اور حاضری کی چانچ پڑتال سمیت دفتری اوقات کار میں کنڈکٹ اور ڈسپلن کو بہترین بنانا ہے ۔

ایڈمنسٹریٹر میٹروپولیٹن کارپوریشن اسلام آباد نے اسلام آباد لوکل گورنمنٹ ایکٹ 2015 کے تناظر میں یونین کونسلز کی ایڈمنسٹریشن کو فلفور اقدامات کرنے کے احکامات بھی دیے ہیں ، تاکے شہری اور دیہی یونین کونسلز کی افادیت کو عوام کی ضروریات کے مطابق اپگریڈ کیا جاے اور بنیادی شہری حقوق کی پاسداری کو یقینی بنایا جا سکے ۔

ایڈمنسٹریٹر رانا محمدوقاص انور نے میٹروپولیٹن کارپوریشن اسلام آباد کے ماتحت یونین کونسلز کے ملازمین کی پرفارمانس اور ڈسپلن کو ٹارگٹ کرتے ہوے پبلک سروس ڈیلیوری سسٹم کو عوامی امنگوں کے مطابق ڈھال کر لوکل گورنمنٹ سسٹم کو مستحکم کرنے کے عزم کا اظہار کیا۔